புத்தகங்கள் பற்றிய பார்வைகளைப் பதியும் எங்கள் வலைப்பூ - http://puththakam.wordpress.com/

Saturday, March 14, 2015

படித்து வாங்காத‌ பட்டம்

நாங்கள்
படித்து எரித்துக் கொள்கிறோம்

நீங்கள்
பிடித்து பொறித்துக் கொள்கிறீர்கள்

சாலைகளின்
தெருக்களின்
பாலங்களின்
பெயர்களில்.

- ஞானசேகர்

Wednesday, March 04, 2015

எதிர்க்கட்சிகள்

ஊரை இர‌ண்டாக்கி
இர‌ண்டாய்க் கிடக்கின்றன‌
தண்டவாளங்கள்.

- ஞானசேகர்

Tuesday, March 03, 2015

ஆளுங்கட்சி

எலக்ச்ச‌ன் நம்பி
எலக்கிப் போட்டோம்.

எலக்ட்ரிக் நம்பி
எல போட முடியல.

- ஞானசேகர்

Monday, March 02, 2015

மஜக பிளஸ் பாஜக‌ மைனஸ் ஜகா

தனித்து நின்றால்
ஒரு பொருளையும்
கூட்டணி சேர்ந்தால்
வேறொரு பொருளையும்
வழங்கி வருதலால்
இலக்கணத்தில்
பொதுமொழியன்ன‌
நம்தேசக் கட்சிகள்.

- ஞானசேகர்

Sunday, March 01, 2015

போக்குவரத்து நெரிசல்

வழிவிடு முருகன் திருக்கோவில்.

- ஞானசேகர்