புத்தகங்கள் பற்றிய பார்வைகளைப் பதியும் எங்கள் வலைப்பூ - http://puththakam.wordpress.com/

Tuesday, October 13, 2015

முன்னின்ற மெய்திரிதல்

ளகரம் னகரமாகும்
னகரம் ளகரமாகும்

மாயமில்லை மந்திரமில்லை
நன்னூல்விதிப் புணர்ச்சி இல்லை

ஆதாரம் வேண்டுவோர்
ஆதார் அட்டை பாருங்கள்!


Friday, May 15, 2015

விரைவுச் விரிவுச் செய்திகள்

மோடி என்றால்
2014 தேர்தலில்
நரேந்திர மோடி
2009 தேர்தலில்
லலித் மோடி.

நாயுடு என்றால்
மத்திய அரசில்
வெங்கையா நாயுடு.
மாநில அரசில்
சந்திரபாபு நாயுடு.

சவான் என்றால்
மும்பை தாக்குதலுக்குப் பின்
அசோக் சவான்
ஆதர்ஷ் ஊழலுக்குப் பின்
பிருதிவிராஜ் சவான்.

ரெட்டி என்றால்
பணவீக்கத்தில்
ஒய்.வி.ரெட்டி
பணப்பெருக்கத்தில்
ஒய்.எஸ்.ஆர். ஜெகன் மோகன் ரெட்டி.

காந்தி என்றால்
பிரிட்டிஷ் இந்தியாவில்
ஒரேயொரு மகாத்மா
சுதந்திர இந்தியாவில்
பலர் பலர்.

தெண்டுல்கர் என்றால்
விஜய் தெண்டுல்கர் உட்பட‌
இனி எவருமில்லை என்பதுதான்
நமக்கென விரிக்கப்படும் செய்திகள்.

- ஞானசேகர்

Saturday, March 14, 2015

படித்து வாங்காத‌ பட்டம்

நாங்கள்
படித்து எரித்துக் கொள்கிறோம்

நீங்கள்
பிடித்து பொறித்துக் கொள்கிறீர்கள்

சாலைகளின்
தெருக்களின்
பாலங்களின்
பெயர்களில்.

- ஞானசேகர்

Wednesday, March 04, 2015

எதிர்க்கட்சிகள்

ஊரை இர‌ண்டாக்கி
இர‌ண்டாய்க் கிடக்கின்றன‌
தண்டவாளங்கள்.

- ஞானசேகர்

Tuesday, March 03, 2015

ஆளுங்கட்சி

எலக்ச்ச‌ன் நம்பி
எலக்கிப் போட்டோம்.

எலக்ட்ரிக் நம்பி
எல போட முடியல.

- ஞானசேகர்

Monday, March 02, 2015

மஜக பிளஸ் பாஜக‌ மைனஸ் ஜகா

தனித்து நின்றால்
ஒரு பொருளையும்
கூட்டணி சேர்ந்தால்
வேறொரு பொருளையும்
வழங்கி வருதலால்
இலக்கணத்தில்
பொதுமொழியன்ன‌
நம்தேசக் கட்சிகள்.

- ஞானசேகர்

Sunday, March 01, 2015

போக்குவரத்து நெரிசல்

வழிவிடு முருகன் திருக்கோவில்.

- ஞானசேகர்